Kryeministri Edi Rama, gjatë fjalës së tij në Forumin e Grave dhe Vajzave Socialiste 2030, theksoi rëndësinë e përfshirjes aktive të grave në politikë.
Rama tregoi se bashkia e kamzës është transformuar falë Partisë Socailiste duke krijuar vlera sociale. Ai tregoi edhe kandidaten më të re 20-vjeçare në bashkinë e Kamzës.
“Ne kemi më shumë gra sot. 40 përqind e anëtarëve të PS-së janë gra. Nuk duhet të pajtohemi me veten, derisa 50 mijë gra të anëtarësohen në PS. Bashkia e Kamzës është kthyer në vatër të madhe politike e organizative. Shumë thonë se duket si zona ku udhëheq Rakip Pasha, por tonin ia japin vajzat dhe gratë. Kandidatja më e re e jona është një 20-vjeçare nga kjo bashki. PS ka krijuar vlera sociale në Kamëz, duke transformuar zonën. Kamza është shembull për të gjitha organizatat e Partisë Socialiste të Shqipërisë. Kudo do ndizet drita e barazisë gjinore.”, tha Rama.
