Hamasi ka refuzuar një propozim izraelit për një armëpushim gjashtë-javor në Gaza, i cili kërkonte që grupi i armatosur të heqë dorë nga armët.
Një zyrtar i lartë palestinez i njohur me bisedimet tha se plani nuk jepte asnjë angazhim për t’i dhënë fund luftës ose për një tërheqje të trupave izraelite – kërkesat kryesore të Hamasit – në këmbim të lirimit të gjysmës së pengjeve të gjallë që mban.
Kryeministri i Izraelit tha se bllokimi i furnizimeve kishte për qëllim presionin e Hamasit për të liruar pengjet dhe për të zgjatur armëpushimin që skadoi më 1 mars.
Në të njëjtën kohë, zyra e OKB-së për çështjet humanitare deklaroi: “Partnerët në terren raportojnë një rritje të sulmeve që shkaktojnë viktima masive civile dhe shkatërrimin e disa prej infrastrukturës së mbetur që nevojitet për të mbajtur njerëzit gjallë.”
Izraeli thuhet se ka dorëzuar propozimin e tij të fundit për armëpushimin ndërmjetësuesve rajonalë në fund të javës së kaluar, vetëm disa ditë pasi kryeministri Benjamin Netanyahu u takua me Presidentin e SHBA Donald Trump në Uashington.
