Kryeministri Edi Rama po zhvillon një takim me të rinjtë në Kamëz. Rama u shpreh se bashkia e Kamëz është transformuar dhe sipas tij vite më parë qytetarët u humbën nga besnikëria e verbër ndaj një partie.
“Sot jemi 2 vite mbrapa dhe gjithçka, ngado të shohësh dhe në çdo drejtim të kërkosh gjen se është ku e ku me çfarë ishte dhe kupton se sa shumë vite u humbën qorrazi, se sa shumë vite u humbën nga besnikëria e verbër ndaj një partie a thua se vota është një biletë për të shkuar në stadium dhe a thua se besimi për t’ia dhënë votën dikujt, është një fanellë tifozi për një skuadër”, tha Rama.
