Kryeministri Edi Rama gjatë një takimi më të rinjtë në zonën e “Ali Demit” në Tiranë për zgjedhjet e 11 majit. Rama i ka cilësuar partitë e reja si “shitës qylymash fluturues”.
“Ka dhe nga këta që shesin qylyma, i keni parë. ‘Thonë jemi të rinjë, forca të reja’, shitësa qylymash fluturues. Dalin në rrugë për të shit qylyma, hajde hyp në qylym se do të të fluturojë unë. I ka provuar Shqipëria qylymat fluturues. Pyesni prindërit tuaj si ju shkoj fluturim në 97’ me Suden dhe me Rrapush Xhaferrin.
Ju si dini këto, por këta janë emrat e “Shqipërisë Madhështore”, Sudja, Rrapush Xhaferri, Vehbi Alimuça dhe një Ceno. Çmendën dynjanë, i thonin shqiptarëve, hajdeni ju fusni një dhe merrni dy, të hënën fut 1 milion lekë, të premten merrni dy milionë. U bë deti kos! Bufi kënetës thoshte “futuni, futuni se janë paratë të pastra, do e bëjmë Shqipërinë Madhështore”.
Kështu janë dhe këta të qylymave, që kanë të re veç fytyrën edhe moshën, asgjë tjetër. Ndërkohë që për ne është e rëndësishme të jemi të qartë, të dimë çfarë po bëjmë dhe ku po shkojmë. 11 maji nuk është tifozllëk.”, tha Rama.
