Presidenti i SHBA-së, Donald Trump ka pritur në takim kryeministren italiane Giorgia Meloni. Trump thotë se SHBA dhe Italia kanë një marrëdhënie shumë të mirë: “Do të ketë një marrëveshje tregtare, 100%,” thotë ai, “por do të jetë një marrëveshje e drejtë”.
Ai thotë se Meloni i pëlqen “shumë”.
“Unë mendoj se ajo është një kryeministre e madhe. Unë mendoj se ajo po bën një punë fantastike,” thotë ai, duke shtuar se e njeh atë “që në fillim” si kryeministre.
“Ajo është një nga udhëheqësit e vërtetë të botës,” thotë ai.
Ndërsa Meloni tha se “Jam e sigurt se mund të bëjmë një marrëveshje. Unë jam këtu për të ndihmuar me këtë”.
“Unë mendoj se mënyra më e mirë është që ne thjesht të flasim sinqerisht.”
Meloni shton se është në Uashington për të gjetur një mënyrë për t’i bërë “më të fortë” SHBA dhe Italinë.
