Sot është një ditë mjaft e rëndësishme në Gjykatën e Posaçme. Zhvillohen tre gjyqe. I pari në orën 13:00, gjykata pritet të marrë vendimin përfundimtar nëse dosja “Partizani” me të pandehur Sali Berishën, dhëndrin e tij Jamarbër Malltezi dhe tre të tjerët, do të kalojë për gjykim.
Në seancën e të mërkurës, GJKKO rrëzoi kërkesën e avokatëve për pavlefshmëri dhe pa përdorshmëri të akteve të dosjes dhe pavlefshmëri të akteve të ekspertimit financiar, për të cilat mbrojtësit ligjor të të pandehurve pretendojnë se janë kryer nga ekspertë të pa licencuar.
Një tjetër betejë është mes deputetes demokrate Albana Vokshi dhe Vilma Nushit, teksa kjo e fundit e ka paditur për shpifje për koncesionin e Check up-it. Dhe gjyqi i tretë është po për shpifje me protagonistë Adriatik Lapajn që ka paditur Agron Shehajn.
