Presidenti ukrainas Volodymyr Zelensky kërkon më shumë presion ndaj Rusisë. Ndërsa bisedimet midis të dërguarit të Donald Trump, Steve Witkoff dhe Vladimir Putin vazhdojnë në Kremlin.
Në një deklaratë të postuar në rrjetet sociale, ai thotë se Rusia përdori një raketë të Koresë së Veriut në sulmin e djeshëm në Kiev, i cili rezultoi në vdekjen e 12 civilëve.
“Presioni i pamjaftueshëm ndaj Rusisë i lejon ata të importojnë raketa të tilla dhe armë të tjera dhe t’i përdorin ato këtu, në Evropë”, shkruan Zelensky.
“Presioni i pamjaftueshëm ndaj Koresë së Veriut dhe aleatëve të saj i lejon ata të prodhojnë raketa të tilla balistike. Raketa që vrau banorët e Kievit përmbante të paktën 116 pjesë të importuara nga vende të tjera dhe shumica e tyre, për fat të keq, ishin prodhuar nga kompanitë amerikane,” shton ai.
Ai shton se kanë kaluar 45 ditë që kur Ukraina ra dakord me propozimin e Trump për “qetësi në qiell, det dhe vijën e frontit”.
“Rusia i refuzon të gjitha këto. Pa presion, kjo nuk mund të zgjidhet. Presioni ndaj Rusisë është i nevojshëm.”, shton Zelensky.
