Ukraina ka mohuar pretendimet ruse se është detyruar të largohet nga rajoni Kursk i Rusisë, shkruan BBC.
Valery Gerasimov, shefi i shtabit të ushtrisë ruse tha se forcat e tij kishin rifituar kontrollin e plotë të rajonit, tetë muaj pasi forcat ukrainase filluan për herë të parë një inkursion të befasishëm në rajonin kufitar. Ndërsa presidenti rus Vladimir Putin i përshkroi përpjekjet e Ukrainës si një dështim të plotë.
Ukraina thotë se trupat e saj janë ende duke kryer operacione në Kursk, me ushtrinë që i përshkruan pretendimet e Rusisë si “mashtrime propagandistike”.
Forcat ukrainase kanë qenë në tërheqje në Kursk muajt e fundit, duke u përballur me 70,000 trupa ruse dhe sulme të rënda me dronë, si pjesë e përpjekjes së Rusisë për të rimarrë territorin.
Gjatë një takimi me video-konferencë me Putin të shtunën, Gerasimov tha: “Sot, vendbanimi i fundit në rajonin e Kurskut, fshati Gornal, është çliruar nga forcat ukrainase”.
Ai vlerësoi atë që ai e përshkroi si “heroizmin” e trupave të Koresë së Veriut që “kishin ofruar ndihmë të konsiderueshme në mposhtjen e grupit të forcave të armatosura ukrainase”.
“Aventura e regjimit të Kievit ka dështuar plotësisht,” tha Putin Gerasimov, duke pretenduar se kjo do të hapte rrugën për përparime të mëtejshme ruse në fronte të tjera.
