Kreu i Partisë Demokratike. Sali Berisha ka zhvilluar një takim me qytetarët në Kuçovë.Berisha ka sulmuar kryeministrin Edi Rama duke e akuzuar për korrupsion dhe keqadministrim.
Ai tha se Rama është i tmerruar, pasi sipas tij e di që është drejt humbjes përfundimtaren dhe kështu nuk ka as forcën të dalë në debat.
“Ballkani i Hapur do ‘griset’ ditën e parë të qeverisë së PD-së. Hidrocentrali i Banjës është vepër vaditëse dhe ndaj është ndërtuar dhe e dyta është energjia. Potencialet e tij do përdoren për të dyfishuar sipërfaqen e ujitur në Shqipëri. Made in Albania do të jetë krenaria jonë. Energjia do të zbresë nga 18 në 6 lekë. Bashkinë e Kuçovës me Lefter Maliqin ua grabitën. Ligji do të veprojë me forcë para atyre që grabitën mandatin tuaj. Diçka e kanë bërë, se nuk mund të themi se nuk kanë bërë gjë, por kanë vjedhur 90 përqind të taksave. Burrec, hajde të ulemi bashkë në dialog. S’del dot, nuk ia mban dhe flet me vete çdo mëngjes. Është burrec dy metërsh, thotë budalla, çyryk, burreca, ky është fjalori i tij, që vetëm një kryeministër s’mund ta ketë këtë fjalor. Rama është i tmerruar, se është afër greminës, drejt humbjes së tij përfundimtare.“, tha Berisha.
