Mbrëmjen e djeshme është gjetur trupi i pajetë i një 27-vjeçare shqiptare nga Montecilfone të Italisë. Shqiptarja është gjetur e lidhur në një pemë pranë të ashtuquajturës “Ura e Sherifit”, përgjatë rrugës midis Larinos dhe Biferninës.
Ajo është gjetur nga ish burri i saj 51 vjeç, i cili ka shkuar që ta kërkojë pasi ishte i shqetësuar për të. Menjëherë ai ka kërkuar ndihmë por shqiptarja kishte ndërruar jetë.
Shqiptarja është nënë e një fëmije 7-vjeçar dhe jetonte vetëm me të pas përfundimit të marrëdhënies me bashkëshortin e saj. Ajo njihej në fshat për angazhimin e saj në punë në një qendër për emigrantët dhe për lidhjen e fortë me të birin, i cili përshkruhej nga të gjithë si qendra e jetës së saj. Ndërkohë autopsia e trupit të pajetë të shqiptares është planifikuar për të premten me 2 maj.
