Kryeministri Edi Rama në takimin me gratë dhe vajzat Roskovec ka kërkuar që të votojnë për Partinë Socialiste në zgjedhjet e 11 majit. Rama tha se me këto vota Shqipëria do mund të anëtarësohet në Bashkimin Evropian në vitin 2030.
“Merreni në dorë fatin evropian të Shqipërisë, duke marrë në dorë fatin evropian të Shqipërisë të marrin për dore të gjithë burrat dhe djemtë dhe një shumicë më e madhe se asnjëherë tjetër të vendosur që Shqipëria 2030 të jetë anëtare e BE dhe të gjithë fëmijët tuaj të marrin pasaportën evropiane”, tha Rama.
Kryeministri e cilësoi kryetaren e bashkisë Majlinda Bufi si “Shtrigë që i duhej qytetit”.
“Forca përpara, edhe njëherë shumë respekt dhe komplimente për kryetaren e bashkisë tuaj, një shtrigë që i është dashur kaq shumë këtij qyteti, saqë mjafton të shohësh rreth e rrotull dhe e kupton që vetëm një shtrigë mund ta bënte këtë qytet. Nuk rrija dot pa e thënë edhe këtë”, tha Rama.
