Barazim dramatik 3-3 në ndeshjen e parë gjysmëfinale të Champions League Barcelona-Inter. Interi sulmoi menjëherë dhe gjeti golin pas vetëm 30 sekondash, kur asistimi i Denzel Dumfries u finalizua me një devijim të shkëlqyer nga Marcus Thuram.
Në minutën e 21-të, Dumfries realizoi një gol spektakolar me një goditje akrobatike pas një pasimi me thembër nga Francesco Acerbi. Lamine Yamal ngushtoi rezultatin. Presioni i Barcelonës vazhdoi deri në fundin e pjesës së parë dhe, pas një gjuajtjeje të Dani Olmos të ndalur nga Sommer, Raphinha asistoi me kokë për Torresin, i cili barazoi rezultatin.
Në pjesën e dytë, Interi u shpërblye në minutën e 63-të kur Dumfries shënoi golin e dytë personal me një goditje me kokë pas një goditjeje nga këndi nga Hakan Çalhanoğlu.
Por vetëm dy minuta më pas, Barça barazoi sërish, kur një goditje e fuqishme e Raphinhas u përplas në traversë dhe më pas në trupin e pafat të Sommerit, duke përfunduar në rrjetë.
