Kryetari i lëvizjes “Shqipëria Bëhet”, Adriatik Lapaj gjatë takimit me qytetarët në Fier ka bërë thirrje që të marrin pjesë në votime në zgjedhjet e 11 majit.
Lapaj u shpreh se me votën e tyre do të sjellin ndryshimin e shumëpritur në vend. Ai theksoi se vota për ata është për rendin dhe sigurinë, si dhe për reformën në drejtësi.
“Na ndajnë edhe pak ditë. E keni vënë re si mundohen ta relativizojnë gjendjen e jashtëzakonshme që po ndodh në vendin tonë. Ata nuk e ndalin dot votën në kuti. 300 mijë në kuti do ta çajmë sistemin dhe do ta vendosim republikën në shina.”, tha Lapaj.
