Kryeministri Edi Rama në rrjetin e tij social iu përgjigj pytjeve live të komentuesve. Rama u shpreh se kandidati më i ri dhe më i vjetër është ai vetë në kuptimin e energjisë dhe eksperiencës. Kryeministri tha se Shqipëria nuk ka nevojë për të treta duke ironizuar edhe partitë e reja.
“Kandidati më i ri dhe më i vjetër këtu jam unë. Në kuptimin e energjisë dhe eksperiencës. Partia më e re dhe më e vjetër është PS dhe në listat tona, në çdo qark, gjen më të rinjtë dhe ata më me eksperiencë. Kjo teoria duhet një kandidat i ri, pa parti pas dhe pa struktura apo ekspertizë dhe vetëm bla bla bla, imitacione të një partie që ishte ndjesë pastë e treta e vërteta dhe që u bë barra dhe halli i madh i politikës shqiptare nuk ka nevojë Shqipëria. Nuk ka nevojë Shqipëria për këto të tretat dhe të vërtetat që janë vetëm shëmbëlltyra që kërkojnë të hyjnë në valle dhe më pas bëhen grabitqare.”, tha Rama.
