Guvernatori i Bankës së Shqipërisë, Gent Sejko në një konferencë për mediat u shpreh se Këshilli Mbikëqyrës ka marrë disa masa lidhur me kreditimin në tregun e pasurive të patundshme.
Sejko u shpreh se ka vendosur një tavan lidhur me huan, me kredinë në raport me vlerën e banesës, pronës, pra koletaralit.
“Këto tavane janë maksimumi i huasë në raport me vlerën e kolatralit për monedhën lekë do të jetë 85%, për shtëpinë e parë, ndërsa 80% për shtëpinë e dytë ose për shtëpitë e dhëna me qira.
Kjo vlerë do të jetë 75% për shtëpinë e parë dhe 70% për shtëpinë e dytë ose për shtëpinë e dhënë me qira, lidhur me monedhën me valutë të huaj për të shmangur riskun e kursit të këmbimit.
Po kështu, kësti ndaj të ardhura si raport do të jetë në nivelin 40% për monedhën lekë dhe 35% për monedhën e huaj, kjo për shtëpinë e parë.
Për shtëpinë e dytë, raporti duhet të jetë në nivelin 35% për monedhën lekë, ndërsa 30% për shtëpinë e dytë”, tha Sejko.
