Policia e Tiranës ka arrestuar dy persona pasi furnizonin grupe kriminale me armë zjarri, të cilat modifikoheshin me silenaciatorë.
19-vjeçari me iniciale A.H., dhe J.P., 20 vjeç të dy banues në Vlorë u arrestuan teksa po lëviznin me makinë në aksin rrugor “Qafë Kashar-Rinas”. Gjatë kontrollit në makinë u gjet një thikë dhe 4 armë zjarri pistoletë.
Gjithashtu vijuan hetimet dhe në banesën e G.Sh 49 vjeç, shokut të dy të arrestuarve u gjetën 1 dorezë metalike dhe 1 shkop gome.49-vjeçari u procedua penalisht për veprën penale “Prodhimi, mbajtja, blerja apo shitja pa leje e armëve të ftohta”. Ndërsa materialet procedurale iu referuan Prokurorisë së Tiranës, për veprime të mëtejshme.
