Një ngjarje ka ndodhur në Divjakë, ku një person është gjetur i pajetë në kanalin kullues, pranë aksit rrugor ‘pushimi i shoferit’, afër fshatit Goriçaj. Viktima është identifikuar si Mina Gjini, 65 vjeç, banore e fshatit Këmishtaj, e cila mblidhte kanoçe.
Familjarët e saj kishin raportuar humbjen e saj mbrëmjen e djeshme në polici. Rreth orës 18:00 të ditës së sotme, Mina u gjet nga kalimtarë të rastit, të cilët njoftuan menjëherë autoritetet.
Policia ka nisur hetimet për zbardhjen e rrethanave të ngjarjes dhe përcaktimin e shkaqeve që mund të kenë çuar në tragjedinë e ndodhur.
