Papa Leo XIV ka pritur sot në Vatikan Kryepeshkopin e Canterbury-t, Sarah Mullally, udhëheqëses së parë grua të Kishës Anglikane, e cila është ngarkuar me përgjegjësinë shpirtërore të rreth 85 milionë anglikanëve në mbarë botën.
Takimi privat midis dy liderëve shpirtërorë u pasua nga një lutje e përbashkët në një faltore të shekullit të 17-të.
Në fjalimin e tij, Papa Leo XIV theksoi se “botës që po vuan i nevojitet paqa e Krishtit”, dhe shtoi se përçarjet mes të krishterëve dobësojnë mundësinë e veprimit të përbashkët për paqe.
Ai gjithashtu vlerësoi përparimin ndërmjet Kishës Katolike dhe Kishës Anglikane, pavarësisht se janë shfaqur probleme të reja në marrëdhëniet mes tyre.
Kryepeshkopja 63-vjeçare, një ish-infermiere dhe nënë e dy fëmijëve, është një figurë kyçe për forcimin e lidhjeve shpirtërore dhe komunitare mes besimtarëve anglikanë në mbarë botën.
