Ka ndërruar jetë në Spitalin e Traumës, Veli Gjura, efektivi i policisë, i cili disa ditë më parë u përplas nga një automjet teksa po ecte në trotuar.
Aksidenti ndodhi kur një 27-vjeçar me inicialet A.Sh., duke drejtuar një automjet tip “Golf”, dyshohet se humbi kontrollin dhe doli nga rruga, duke përplasur fillimisht punonjësin e policisë dhe më pas një dyqan.
Nga hetimet ka rezultuar se drejtuesi i mjetit ishte nën ndikimin e alkoolit në momentin e aksidentit. Ai është arrestuar dhe shoqëruar në komisariat për veprime të mëtejshme procedurale.
