Presidenti kinez Xi Jinping ka njoftuar një linjë krediti prej 9 miliardë dollarësh për vendet e Amerikës Latine dhe Karaibe, gjatë një takimi të Forumit Kinë-CELAC në Pekin.
Ky angazhim është pjesë e përpjekjeve të Kinës për të rritur influencën e saj ekonomike në rajon dhe për të nxitur investimet në infrastrukturë.
Xi theksoi se Kina do të rrisë importet nga këto shtete dhe do të inkurajojë investimet kineze. Ai gjithashtu premtoi më shumë mundësi për zhvillim, duke nënvizuar se kjo është një mundësi për të thelluar bashkëpunimin dhe për të mbështetur pavarësinë dhe zhvillimin e rajonit.
Angazhimi i Kinës vjen në një moment kur vendet e Amerikës Latine kërkojnë kushte më të mira tregtare, ndërsa Pekini po përpiqet të forcojë pozitat e tij përballë Shteteve të Bashkuara.
