Xhelal Mziu, drejtuesi politik i Partisë Demokratike për Dibrën teksa po hynte në selinë blu u shpreh se kandidatët për deputetë nuk mund të bëjnë bodigardin për të mbrojtur votën që të mos vidhet nga socialistët.
“I vodhi Rama zgjedhjet. Përgjegjës duhet të shkojë hajduti i vjedhjes së votave. Pse çfarë jemi ne bodigardë? Ne kemi dalë për të bërë fushatë… Nga humbja në humbje kur përdor paratë e krimit dhe të korrupsionit dhe shkon e blen një votë 300 euro, çfarë duhet bëjmë ne, A jemi bodigardë ne? Kur policia vihet në shërbim të ndarjes së parave. Kur prokuroria nuk reagon kur ne i kapnim me para, kush e ka fajin? Në Kavajë drejtojnë demokratët nuk ka patronazhistë. Banda numër një është Edi Rama”, u shpreh Mziu.
