Kryeministri i Shqipërisë Edi Rama tha se vendi i tij ishte me fat për hapjen e dyerve të Bashkimit Evropian. Kryeministri foli në një intervistë me TVP World, vetëm dy ditë pasi partia e tij fitoi zgjedhjet e përgjithshme në Shqipëri.
“Gjithmonë them, e dini, jemi me fat që e kemi BE-në në prag të derës… përndryshe, mund të përfundojmë si Afganistani ose Iraku ose vende të tjera të largëta që u përpoqën të bëheshin demokraci të gjalla, por dështuan keqas sepse nuk kishin strategjitë e BE-së.
BE është një burim i jashtëzakonshëm njohurish kur dëshiron të ndërtosh një shtet demokratik funksional dhe kjo njohuri është e nevojshme kur nuk ke traditën dhe kjo njohuri është një bekim.
Për herë të parë, njerëz të lidhur me pushtetin politik po hetohen, akuzohen dhe dënohen. Ne duhet ta bëjmë këtë situatë të pakthyeshme dhe kjo është arsyeja pse duhet të anëtarësohemi në BE”, theksoi Rama.
