Komisioni Qendror i Zgjedhjeve ka anuluar akreditimet për të gjithë vëzhguesit në Vendin e Numërimit të Votave nga Jashtë me përjashtim të vëzhguesve ndërkombëtarë.
Sipas vendimit, çdo subjekt zgjedhor ka të drejtë të ketë vetëm një vëzhgues për çdo grup numërimi, si dhe për çdo qark.
Gjithashtu organizatat e shoqërisë civile që dëshirojnë të vëzhgojnë procesin duhet të riparashtrojnë kërkesën për akreditim përmes Portalit të Vëzhguesve, jo më vonë se ora 24:00 e datës 16 maj 2025. Çdo kërkesë e dorëzuar jashtë këtij afati nuk do të merret në shqyrtim nga KQZ.
