Në zgjedhjet parlamentare të 11 Majit për qarkun e Korçës, 110 kandidatë garuan për 4 vende në Parlament. Kandidati më i votuar ishte Ilirian Pendavinji nga Partia Socialiste, i cili mori 10,133 vota preferenciale, i ndjekur nga Bledi Çomo, Arian Jaupllari dhe Besa Spaho, gjithashtu të PS-së.
Pas përfundimit të numërimit, disa kandidatë nga partitë e tjera nuk morën asnjë votë, përfshirë Baftjar Lila nga Lëvizja Atdheu, Altana Pisku dhe Kristiana Shuli nga Aleanca Demokracia e Re, si dhe Festim Qazimi nga Koalicioni Djathtas për Zhvillim.
Pendavinji shprehu falenderime për mbështetjen e qytetarëve të Korçës, duke thënë:
“Jam shumë i lumtur, vërtet bëmë një fushatë të gjatë, të lodhshme, por shikoj që qytetaria korçare, të gjitha bashkitë u shprehën në mënyrë të qartë dhe më mbështetën masivisht.”
