Pas takimit me krerët e degëve të Partisë Demokratike, Sali Berisha deklaroi se Shqipëria ndodhet nën një regjim që kërcënon procesin demokratik dhe përdor potencialet e shtetit për të “grabit votën e qytetarëve”.
Ai akuzoi qeverinë për lidhje me grupe kriminale dhe për pengimin e qytetarëve që të votojnë lirshëm.
“Jemi në një situatë ku është instaluar regjimi. U shpalos me shëmtinë e tij dhunimin masiv të votës së lirë të shqiptarëve, shpalosi me të gjithë fuqinë e tij dhunimin e ligjit ndërkombëtar, apo përdorimin e potencialeve të shtetit, për të grabitur votën e shqiptarëve. Shpalosi hanxharët e bandave kriminale, të aleatëve të qeverisë që mos të lejonte shqiptarët të votonin të lirë. Dëshmoi se në mënyrë të programuar, të pandalshme, me çdo kusht dhe çmim, ai do të qëndrojë në pushtet dhe se vota e shqiptarëve është diçka e pavlerë për të.”
