Izraeli ka nisur operacione të gjera tokësore në Gaza, duke përfshirë sulme ajrore në spitalin në veri të territorit palestinez, si pjesë e ofensivës së re “Operacioni Qerrja e Gideonit”.
Ushtria izraelite ka lëshuar një urdhër evakuimi për disa zona të Gaza, duke paralajmëruar banorët për sulme të mundshme.
Qyteti i Khan Younis, Beit Lahia dhe kampi i refugjatëve Jabalia janë disa nga vendet e goditura nga sulmet.
Sipas Ministrisë së Shëndetësisë së Gazës, të paktën 67 persona janë vrarë dhe 361 të tjerë janë plagosur brenda 24 orëve të fundit. Kampi al-Mawasi, ku ishin strehuar shumë të zhvendosur, është sulmuar gjithashtu, duke shkaktuar të paktën 22 viktima dhe 100 të plagosur.
