Një foshnje e porsalindur pa shenja jete është gjetur brenda një qeseje sot në një kazan mbeturinash në Matiqan të Prishtinës.
Në lidhje me këtë ngjarje nga Prokuroria Themelore në Prishtinë kanë thënë se hetimet janë në proces dhe se po ndërmerren të gjitha masat dhe veprimet hetimore të nevojshme për zbardhjen e këtij rasti.
“Ju njoftojmë se Prokurori kujdestar është njoftuar për rastin aktual dhe është duke ndërmarrë të gjitha masat dhe veprimet hetimore për çështjen në fjalë”, deklaruan nga Prokuroria Themelore në Prishtinë, duke shtuar “do të informojmë opinionin për çdo zhvillim të ri në lidhje me hetimet”.
