Prokurori i Përgjithshëm i Barit, Roberto Rossi në një deklaratë të përbashkët me Altin Duamanin folën rreth operacionit ku u lëshuan 52 urdhërarreste. Rossi u shpreh se mafia shqiptare është një forcë ndërkombëtare shumë e madhe.
Ai tha se populli shqiptar me anë të prokurorisë do të jetë në gjendje që të luftojë këtë kancer.
“Kemi punuar dhe punojmë prej 10 vitesh për arritjen e objektivave të përbashkëta për të luftuar krimin në Shqipëri apo në Itali. Jemi të ndërgjegjshëm që autoritetet e hetimit shqiptar, dhe në veçanti SPAK janë shumë të afta për kapjen e veprave bashkë me ne. Kjo forcë e përbashkët është e rëndësishme
Mafia shqiptare është një forcë ndërkombëtare shumë e madhe, por jemi të sigurt që populli shqiptar me anë të prokurorisë do të jetë në gjendje të luftojë këtë kancer.
Jemi të sinkronizuar bashkë për të arritur këtë objektiv. Ka një prezencë të jashtëzakonshme të policisë gjyqësore italiane dhe policisë gjyqtare shqiptarë që bashkë me në arrijnë objektivat e përbashkëta.”, tha Rossi.
