Të paktën katër fëmijë humbën jetën dhe 38 persona të tjerë u plagosën si pasojë e një shpërthimi që kishte në shënjestër një autobus shkolle në distriktin Khuzdar të provincës jugperëndimore të Balochistanit nw Pakistan, njoftuan autoritetet lokale.
Autobusi ishte duke transportuar fëmijët në shkollë në mëngjes në momentin kur u sulmua. Ministri i Brendshëm i Pakistanit, Mohsin Naqvi, dënoi ashpër sulmin.
“Armiku sulmoi fëmijë të pafajshëm me barbari. Ky sulm ndaj një autobusi shkolle është një akt i urryer që synon të destabilizojë vendin”, thuhet në deklaratën e ministrit.
