Në një konferencë telefonike me dyer të mbyllura me udhëheqësit evropianë të hënën, Donald Trump sipas mediave ndërkombëtare njoftohet se pranoi për herë të parë se presidenti rus Vladimir Putin “nuk është gati të ndalojë luftën” në Ukrainë sepse “beson se po fiton”.
Deklarata i habiti evropianët, të cilët, megjithëse e kishin pasur këtë vlerësim prej kohësh, nuk e kishin dëgjuar kurrë kaq qartë nga presidenti amerikan. Sipas asaj që zbulon Wall Street Journal, ky ndryshim toni nuk u shoqërua me një ndryshim strategjie: në vend që të intensifikonte presionin ose të promovonte sanksione të reja, Trump përsëriti se donte të zhvillonte negociata “të nivelit të ulët” midis Rusisë dhe Ukrainës në Vatikan. Siç tha ai, “kjo nuk është lufta ime. Ne u përfshimë në diçka që nuk duhej ta kishim bërë”.
Ndërkohë, Kremlini tha sot se raporti i Wall Street Journal bie ndesh me atë që di Moska. “Ne e dimë çfarë i tha Trump Putinit. Nuk e dimë çfarë u tha Trump evropianëve pas telefonatës. Ne e dimë njoftimin zyrtar nga Presidenti Trump. “Ajo që dimë bie ndesh me atë që është shkruar në artikullin që përmendët”, u tha gazetarëve zëdhënësi i Kremlinit, Dmitry Peskov.
