Partia Demokratike kërkon përsëritjen e zgjedhjeve në Qarkun e Kukës. Përmes përfaqësuesit ligjor, Franci Nuri, PD ka depozituar në Komisionin Qendror të Zgjedhjeve (KQZ) kërkesën për shpalljen të pavlefshme të zgjedhjeve të datës 11 maj në këtë qark.
Në dokumentin e dorëzuar pranë KQZ-së, Partia Demokratike liston një sërë arsyesh që sipas saj provojnë se procesi zgjedhor në Kukës është zhvilluar në mënyrë të parregullt dhe për pasojë kërkon anulimin dhe përsëritjen e zgjedhjeve në këtë zonë.
Kjo kërkesë vjen pas një serie shqetësimesh dhe pretendimesh për parregullsi gjatë ditës së votimit, të cilat PD i konsideron të mjaftueshme për të kërkuar një proces të ri zgjedhor në Kukës.
