Një ngjarje e rëndë është shënuar në qytetin e Gramshit, ku një konflikt i çastit ka degjeneruar në dhunë fizike, duke lënë të lënduar një 26-vjeçar.
Policia bën me dije se ka shpallur në kërkim tre shtetas – një burrë 54 vjeç dhe dy djemtë e tij, përkatësisht 23 dhe 22 vjeç të cilët dyshohet se kanë sulmuar fizikisht të riun, duke e goditur me grushte dhe me një mjet metalik.
Për pasojë, i dëmtuari është dërguar në spital, ku po merr trajtimin e nevojshëm mjekësor. Fatmirësisht, ndodhet jashtë rrezikut për jetën.
Autoritetet policore vijojnë punën për kapjen e të dyshuarve, ndërkohë që materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm në Elbasan për hetime të mëtejshme.
