Zëvendës-Sekretari i Shteteve të Bashkuara, Kristofer Landau në asamblenë Parlamentare të NATO-s dha një mesazh të qartë për Ballkanin. Ai tha se”Amerika është kundër politikanëve që kanë aspirata pushtuese”.
Gjithashtu ai shtoi se SHBA-të do të punojnë vetëm me partnerë që kanë qasje realiste.Zv.sekretari i Shtetit nënvizoi se Shtetet e Bashkuara mund të jenë një partner i gatshëm me kapital të konsiderueshëm politik.
“Le të jem i qartë: Shtetet e Bashkuara nuk po ofrojnë mjete të pakufizuara për qëllime të pacaktuara, të pasigurta ose jorealiste. Kjo pikë themelore humbet në mesin e shumë avokuesve për ribërjen e shoqërive të huaja në vija utopike. Ne nuk jemi të interesuar të imponojmë një vizion të një shoqërie që pasqyron preferencat e burokratëve nga vende të largëta dhe aktivistëve të ngushtë. Shtetet e Bashkuara mund të jenë një partner i gatshëm me kapital të konsiderueshëm politik. Mund të punojmë me shumë mund; por do të punojmë vetëm me ata që janë përkushtuar për realizëm praktik në vendet e tyre. Ne i hedhim poshtë dy ekstremet e paqëndrueshme të dëshirës për transformim të jashtëzakonshëm, nga njëra anë, ose rigjykimit të ankesave të lashta, nga ana tjetër. Politika pafundësisht ekspansive, pa përmbajtje dhe përulësi historike, bëhet armik i strategjisë dhe i shtet-ndërtimit kushtetues. Ky nuk është qëllimi, funksioni apo misioni ynë”, deklaroi Christopher Landau.
