Një alarm për bombë ka vënë në lëvizje forcat e sigurisë pasditen e sotme në qendër të Tiranës. Një telefonatë anonime e mbërritur në sallën operative ka sinjalizuar për një mjet të dyshimtë në parkingun e një hoteli pranë zonës qendrore, duke ngritur dyshime për vendosjen e një lënde plasëse.
Menjëherë pas njoftimit, forcat e Policisë kanë mbërritur në vendngjarje dhe kanë rrethuar zonën për të kryer verifikimet e nevojshme. Aktualisht, po ndërhyjnë njësitë speciale për të kontrolluar automjetin dhe për të garantuar sigurinë publike.
Hetimet janë në zhvillim dhe autoritetet nuk kanë dhënë ende një konfirmim zyrtar për natyrën e mjetit të dyshimtë.
