Presidenti turk Recep Tayyip Erdoğan propozoi sërish mbajtjen e një samiti të tillë, pas takimit të sotëm në Stamboll midis delegacioneve ruse dhe ukrainase.
Erdogan tha që shpreson që të vijnë edhe presidenti Donald Trump, Volodymyr Zelensky dhe Vladimir Putin.
“Presidenti amerikan ka thënë tashmë se do të ishte i gatshëm nëse një gjë e tillë ndodhte, por dëshiron që këta dy udhëheqës dhe të dyja palët të ulen së bashku në tryezën e negociatave”, deklaroi zëdhënësja e tij, Carolyn Leavitt.
Ukraina ka propozuar një raund të ri negociatash me Rusinë midis datave 20 dhe 30 qershor, në përpjekje për të ringjallur përpjekjet për t’i dhënë fund luftës që ka hyrë në vitin e tretë të saj.
