Federata Shqiptare e Futbollit informon se procesi i shortit elektronik për përzgjedhjen e biletave për ndeshjen Shqipëri-Serbi do të vijojë deri më 3-4 qershor. Kjo për shkak të numrit të lartë të aplikimeve të regjistruara në sistem dhe ngarkesës së platformës.
Gjithashtu FSH bën thirrje që të gjithë personat që kanë aplikuar për bileta të kontrollojnë adresat e tyre të emailit për të marrë njoftim nga kompania T-Ticket, e cila menaxhon procesin zyrtar të shitjes së biletave.
Nëse pas datës 4 qershor nuk merrni një email konfirmimi, kjo do të thotë që nuk jeni përzgjedhur nga shorti elektronik.
