Në zonën e stërvitjes në Bizë po zhvillohet “Immediate Response 25”, një ushtrim ndërkombëtar ku marrin pjesë efektivë të Ushtrisë Amerikane, Forcat e Armatosura të Shqipërisë dhe Forcat e Sigurisë së Kosovës.
Ky aktivitet përfshin ushtrime me armë zjarri dhe ka për qëllim forcimin e kapaciteteve mbrojtëse, rritjen e bashkëpunimit mes forcave partnere dhe përgatitjen për zbatimin e planeve rajonale të NATO-s.
Ambasada Amerikane në Tiranë njoftoi se kjo stërvitje është pjesë e një programi më të gjerë që synon integrimin në strukturat e NATO-s dhe tregon përkushtimin e SHBA-së ndaj Aleancës.
