Pas disfatës së rëndë 5-0 në finalen e Ligës së Kampioneve, Simone Inzagi ka vendosur të përfundojë epokën e tij si trajner i Interit. Sipas burimeve pranë klubit, marrëveshja për ndarjen e rrugëve është në prag të zyrtarizimit, pas një takimi të zhvilluar sot mes trajnerit dhe drejtuesve të skuadrës.
Trajneri italian ka zgjedhur të ndjekë një rrugë të re në karrierë, duke pranuar ofertën që i ka ardhur nga Al Hilal, klubi i njohur nga Arabia Saudite. Kjo ofertë, që ishte në tavolinë prej disa javësh, është finalizuar pas përfundimit të sezonit dhe pritjes së Inzagit për të parë rezultatin e finales së Champions League.
Diskutimet me drejtuesit zikaltër kanë përfunduar shpejt dhe në mënyrë të mirëkuptueshme, duke hapur rrugën për nisjen e një cikli të ri me trajner dhe lojtarë të rinj në klub.
