Deputetja e Lëvizjes Vetëvendosje, Albulena Haxhiu, ka lënë të hapur mundësinë që zgjedhjet lokale dhe ato të përgjithshme të mbahen njëkohësisht, pas dështimit të 26-të për konstituimin e Kuvendit. Ajo ka theksuar se sot do të ketë një takim me presidenten Osmani për të diskutuar datën e zgjedhjeve lokale.
Haxhiu theksoi se LVV nuk është kundër mbajtjes së dy zgjedhjeve njëkohësisht, por nëse Kuvendi vazhdon të bllokohet, zgjedhjet mund të jenë zgjidhja e vetme. Ajo theksoi gjithashtu se disa parti po përpiqen të pengojnë formimin e Qeverisë Kurti 3 dhe se takimet dhe diskutimet janë të nevojshme për të dalë nga kriza.
