Në Gjykatën e Posaçme po vazhdon seanca gjyqësore për çështjen e vrasjes, rrëmbimit dhe zhdukjes së Jan Prengës, ku të akuzuar janë Dritan Rexhepi dhe Aldo Majnishta.
Gjatë seancës, u bë e ditur se ka mbërritur një letërporosi nga autoritetet britanike, që lidhet me marrjen në pyetje të dëshmitarëve Astrit Prenga dhe Gëzim Shullani. Letërporosia thekson se autoritetet britanike kërkojnë disa informacione shtesë, përpara se të vazhdojnë procedurat. Ata kërkojnë të dinë statusin penal të dëshmitarëve, detaje mbi pyetjet që do t’u bëhen dhe lidhjen e dëshmive me hetimin e SPAK.
Po ashtu, theksohet se policia britanike do të jetë përgjegjëse për marrjen e dëshmive, duke u bazuar në pyetjet që do të formulojnë autoritetet shqiptare.
