Partitë politike në Kosovë kanë përfunduar takimin me presidenten Vjosa Osmani, për mbajtjen e zgjedhjeve lokale.
Përfaqësuesja e Lëvizjes Vetëvendosëse, Albulena Haxhiu tha se preferojnë datën 5 tetor.
Ndërsa Memli Krasniqi, kryetari i Partisë Demokratike të Kosovës tha se pajtohen me datat e preferuara edhe pse preferojnë 12 dhe 19 tetor.
“Presidentja Osmani përfundoi konsultimet me partitë politike, data e zgjedhjeve lokale caktohet ditëve në vijim. Presidentja e Republikës së Kosovës, Vjosa Osmani, ka zhvilluar sot takimin konsultativ me subjektet politike për caktimin e datës së zgjedhjeve lokale. Gjatë takimit, Presidentja Osmani ka dëgjuar qëndrimet dhe propozimet e subjekteve politike, prandaj në ditët në vijim, konform përgjegjësive kushtetuese dhe ligjeve në fuqi, do ta caktojë datën e mbajtjes së zgjedhjeve lokale”, thuhej në regimin e presidencës së Kosovës.
