Katër muaj pas zgjedhjeve, Kuvendi i Kosovës ende nuk është konstituuar, ndërkohë që deputetët vazhdojnë të marrin paga mbi 1,500 euro në muaj, pa zhvilluar punë efektive.
Derisa janë mbajtur 26 tentativa për konstituim pa sukses, deputetët përfitojnë paga dhe përfitime të tjera, ndërsa procesi ngec kryesisht në zgjedhjen e kryetarit të Kuvendit. Kandidatja e LVV-së, Albulena Haxhiu, nuk gjen mbështetje nga partitë PDK, AAK dhe LDK, që kërkojnë emra të tjerë.
Hulumtuesit kritikojnë pagat që deputetët marrin edhe pa kontribuar në punë. Paga bruto mujore aktuale është rreth 1,859 euro dhe përfshin edhe mëditjet.
Pa zgjedhjen e kryetarit dhe nënkryetarëve, Kuvendi nuk mund të funksionojë dhe formimi i Qeverisë së re mbetet i bllokuar.
