Mbrëmjen e djeshme një sulm me thikë u shënua në Mynih. Një grua 30-vjeçare plagosi me thikë disa kalimtarë. Më pas policia e qëlloi për vdekje autoren, e cila u dërgua në spital por për shkka të plagëve të marra ndërroi jetë.
Sipas medias gjermane, ende nuk dihet gjendja e të plagosurve. Dyshohet se gruaja kishte probleme me shëndetin mendor.
Në fillim ajo goditi me thikë një burrë në zonën e Westendstraße, dhe pak më pas plagosi edhe një grua në Schwanthalerhöhe. Disa policë tentuan ta arrestonin, por ajo vazhdoi të kërcënonte me thikë dhe në këto rrethana autorja u qëllua për vdekje.
