Mbrëmjen e djeshme një 16-vjeçar shqiptar është plagosur me thikë në Vicenza. Shqiptari u godit me thikë dhe ndodhet në spitalin në njësinë e kujdesit intensiv pediatrik.
Autori i dyshuar është një bashkëmoshtar i viktimës. Ende nuk dihen arsyet e ngjarjes.
La Repubblica shkruan se ngjarja ndodhi në rrugën Via Cattaneo, një zonë e populluar dhe mjaft e frekuentuar për shkak të pranisë së një parkingu të madh publik. Ndërkohë policia po punon për identifikimin e autorit dhe pritet që deklaratat e adoleshentit të plagosur, sapo gjendja e tij të përmirësohet, të ndihmojnë në zbardhjen e plotë të ngjarjes.
