Trajneri i ri i Interit do të jetë Cristian Chivu. Kjo u konfirmua me anë të një postimi në rrjete sociale të Interit.
“FC Internazionale Milano mirëpret Cristian Chivu-n si trajnerin e ri të ekipit të parë. Trajneri ka nënshkruar një kontratë me klubin Zikaltër deri më 30 qershor 2027”, njofton klubi nga Milano.
Ndërkohë pasditen e sotme pritet që Chivu të drejtojë edhe seancën e parë stërvitore në Appiano Gentile, teksa Interi përgatitet për Botërorin e Klubeve.
