Komisioni Qendror i Zgjedhjeve ka nisur përgatitjet për rinumërimin e plotë të votave të zgjedhjeve të 11 majit në qarkun e Tiranës. Procesi do të nisë nga zero, duke rinumëruar 1282 kuti votimi.
Ende pritet të përcaktohet vendi dhe koha e saktë për zhvillimin e rinumërimit, me mundësinë që procesi të mbahet në Parkun Olimpik.
Rinumërimi do të kryhet nga punonjës të administratës së KQZ-së dhe do të përfshijë fillimisht votat për partitë politike, e më pas votat preferenciale. Në këtë proces do të rinumërohen edhe votat preferenciale të Koalicionit Shqipëria Madhështore në qarkun Dibër.
