Gjykata e Dibrës ka caktuar masën e sigurisë “arrest në burg” për 31-vjeçarin Hazbi Velsula.
Ai dyshohet si autor i vrasjes së kushëririt të tij Selim Velsula. 31-vjeçari do të mbahet në paraburgim deri në përfundimin e hetimeve.
Mbrëmjen e 11 qershorit në fshatin Xibër të Klosit, 65-vjeçari Selim Velsula u gjet i pajetë në afërsi të banesës së tij, me disa plagë të shkaktuar nga një thikë. Pas pak orësh policia arriti që të zbulojë autorin, i cili ishte kushëriri i viktimës.
