Irani po konsideron bllokimin e Ngushticës së Hormuzit në përgjigje të sulmeve ushtarake të Izraelit ndaj objektivave bërthamorë dhe ushtarakë iranianë. Kjo ngushticë, një rrugë kyçe për kalimin e mbi 17 milionë fuçive nafte çdo ditë, mund të prekë rëndë tregtinë globale të energjisë, sipas parlamentarit iranian Esmaeil Kowsari.
Sulmet e Izraelit, që kanë shkaktuar mbi 70 viktima dhe qindra të plagosur në Iran, janë shoqëruar me hakmarrje nga ana iraniane, përfshirë raketa balistike drejt Izraelit, ku kanë humbur jetën të paktën tre persona dhe janë plagosur mbi 170 të tjerë.
