Mbyllja e Ngushticës strategjike të Hormuzit po shqyrtohet seriozisht nga Teherani, raportoi platforma online e lajmeve IRIN në Iran, duke cituar deklaratat e Ismail Koshari, një anëtar i Komitetit të Sigurisë dhe Mbrojtjes të parlamentit iranian. Ngushtica e Hormuzit, e vendosur midis Omanit dhe Iranit, është kalimi detar më i rëndësishëm në botë për transportin e naftës.
Ngjarjet më të rëndësishme deri më tani në konfliktin Izrael-Iran;
- Ministri izraelit i Mbrojtjes, Israel Katz, paralajmëroi se nëse Khamenei vazhdon të qëllojë me raketa Izraelin, “Teherani do të digjet”. Deklarata erdhi pas një takimi me zyrtarë të lartë të IDF dhe Mossad, mes tensioneve në rritje në Lindjen e Mesme.
-
Ushtria izraelite tha se kishte shënjestruar “dhjetëra” raketa tokë-tokë në Iran në një valë sulmesh gjatë natës në sistemet e mbrojtjes ajrore pranë Teheranit.
-
Në një deklaratë, ushtria izraelite shtoi se forca e saj ajrore “vazhdon të godasë dhjetëra raketa tokë-tokë në Iran”.
-Teherani lëshoi 150 raketa balistike drejt Izraelit. Tre persona u vranë dhe më shumë se 70 të tjerë u plagosën në pesë raundet e qëlluara në Izraelin qendror në sulmin e gjerë hakmarrës kundër Izraelit.
- Irani njoftoi se dialogu me SHBA-në mbi programin e tij bërthamor është “i pakuptimtë” pas sulmeve ajrore më të mëdha të Izraelit kundër territorit të tij, duke akuzuar Uashingtonin për mbështetjen e sulmit.
-
Kabineti izraelit, pas përfundimit të sulmit iranian, u mblodh për të marrë vendimet e tij në lidhje me përgjigjen ndaj Teheranit. Pak pas mesnatës filloi një raund i ri sulmesh izraelite, me Iranin që aktivizoi mbrojtjen e tij ajrore. Shpërthime të reja u dëgjuan në Jerusalem.
-
Ushtria izraelite njoftoi herët të shtunën në mëngjes se kishte aktivizuar sirenat e mbrojtjes ajrore në zona të ndryshme të vendit për shkak të lëshimit të një vale të re raketash nga Irani kundër territorit izraelit dhe se mbrojtja ajrore po përpiqej t’i kapte ato.
-
Një zyrtar iranian tha se “hakmarrja jonë sapo ka filluar” dhe se Izraeli do të paguante një çmim të lartë. Teherani pretendon se ka rrëzuar të paktën një avion luftarak izraelit, me Tel Avivin që e mohon këtë.
-
Izraeli më parë kishte goditur objektin bërthamor në Isfahan. IAEA pranoi se ka ndotje radioaktive dhe kimike në Natanz.
– Vladimir Putin ofroi të ndërmjetësonte midis Izraelit dhe Iranit.
-
SHBA-të zhvendosën anije dhe trupa në Lindjen e Mesme, ndërsa thuhet se ndihmuan Izraelin të kapte raketat iraniane.
-
Benjamin Netanyahu zbuloi se para sulmit ndaj Iranit, Izraeli kishte informuar SHBA-në, ndërsa u bëri thirrje gjithashtu iranianëve të ngriheshin.
-
Irani pretendoi se kishte rrëzuar të paktën një avion luftarak dhe se e kishte pilotin në paraburgim, por Izraeli e mohoi lajmin.
