Në seancën plenare të Kuvendit, deputeti Gazment Bardhi kritikoi qeverinë për mos shqyrtimin e nismave ligjore të opozitës. Ai tha: “Na thatë keni një angazhim shumë të rëndësishëm në Ukrainë, por të enjten nuk ishit në Ukrainë, por në Greqi. Ta trajtosh Kuvendin si shtëpinë tënde personale për të ngrënë drekë në Greqi, është arrogancë përtej normales. Ne nuk kemi dhënë miratimin për kalendarin.”
Në përgjigje, Elisa Spiropali sqaroi se seanca nuk u shty për pjesëmarrjen e saj në samite, por për mungesat e deputetëve të tjerë, duke shtuar se Shqipëria ishte përfaqësuar denjësisht në aktivitete ndërkombëtare.
